Îranê îdîa kir ku balafireke din a F-35 xistine
Muxafizên Şoreşê yên Îranê îdîa kir ku balafireke F-35 ji aliyê sîstema wan a parastina hewayî ve hatiye xistin. Dewletên Yekbûyî yên Emerîkayê (DYE) jî hîna îdîa piştrast nekiriye.
Muxafizên Şoreşê yên Îranê îdîa kir ku balafireke F-35 hatiye xistin.
Çavkaniyên leşkerî yên Îranê îdîa kirin ku balafir ji aliyê sîstema parastina hewayî ve hatiye xistin.
Di daxuyaniya hatî dayîn de hate diyarkirin ku balafir bi temamî hatiye îmhakirin, lewma têkildarî aqûbeta pîlot agahiyeke teqez nehatiye bidestxistin.
Ajansa Nûçeyan a Fars dîmenên hin kavilên ku hate diyarkirin ayîdê balafira hatî xistine, weşand.
BALAFIRA DUYEMÎN A F-35
Muxafizên Şoreşê yên Îranê îdîa kir ku ev balafira duyemîn a F-35 a ji aliyê Îranê ve hatî xistin e.
Îranê berê jî di meha Adarê de îdîa kiribû ku li balafireke F-35 xistiye.
DYE’YÊ HÎNA PIŞTRAST NEKIRIYE
Têkildarî îdîaya dawî DYE’yê hîna ti agahiyeke fermî nedaye.
